Um gögnin

Í aðalskipulagssjá er stafrænt aðalskipulag sveitarfélaga birt eins og það er í gildi á hverjum tíma. Unnt er að smella á breytingarsaga á tækjastiku til að sjá breytingar sem gerðar hafa verið á skipulagstímabilinu, fyrir hvert sveitarfélag.

Uppruni gagna og nákvæmni þeirra eru af misjöfnum toga og má í grófum dráttum skipta í 2 flokka:

• • Stafræn gögn aðalskipulags sem staðfest var í desember 2021 og seinna voru unnin af viðkomandi sveitarfélögum. Túlkun á landfræðilegum afmörkunum ræðst í þeim tilfellum af mælikvarða staðfestra skipulagsuppdrátta sem birtir eru sem eigindin nákvæmni í stafrænum gögnum.
• • Eldra aðalskipulag var fært á stafrænt form ýmist með því að draga afmarkanir handvirkt upp af staðfestum uppdráttum eða með því að byggja á eldri teiknigögnum sveitarfélaga. Í þeim tilfellum inniheldur eigindin nákvæmni mælikvarða staðfestra uppdrátta en sérstakur fyrirvari er gerður á túlkun landfræðilegra afmarkana þar sem þær hafa verið dregið handvirkt upp.

Í þeim tilvikum sem aðalskipulag var dregið upp af útprentuðum staðfestum uppdráttum var lögð áhersla á að fá góða yfirsýn yfir alla megin landnotkunarflokka. Í viðkomandi sveitarfélögum innihalda þekjurnar því aðeins landnotkunarflokka, aðra en vötn ár og sjó, helstu takmarkanir á landnotkun ásamt göngu-, hjóla-, og reiðleiðir. Gögnin voru ekki að öllu leyti unnin í samræmi við það sem sett er fram í gagnalýsingu. Í viðkomandi þekjum eru eftirtalin atriði því ekki hluti af stafrænum gögnum:

• • Vegir
• • Vötn, ár og sjór
• • Skilmálar og stærðir
• • Byggingarmagn og fjöldi íbúa

Aðrir fyrirvarar

Stafræn gögn eru ekki tæmandi heimild fyrir stefnumörkun í aðalskipulagi. Í greinargerð aðalskipulags er sett fram stefna og ákvarðanir sveitarstjórnar um framtíðarnotkun lands og fyrirkomulag byggðar. Þar koma fram ýmsar upplýsingar sem ekki rúmast í stafrænu aðalskipulagi. Því er mikilvægt að skoða sértæk ákvæði sem gilda um hvern reit með hliðsjón af almennum ákvæðum sem birt eru í greinargerð aðalskipulags sem og annarri almennri stefnumótun sem þar er sett fram.

Þar sem landnotkun sem táknuð er með punkti liggur ofan á annarri landnotkun sem skilgreind er sem fláki, gildir sú landnotkun sem punkturinn tilheyrir.

Miðlun aðalskipulags á stafrænu formi, í aðalskipulagssjá, gefur færi á að skoða afmörkun reita í öðrum mælikvörðum en þeim sem aðalskipulagsuppdráttur er staðfestur í. Túlkun landfræðilegra afmarkana skal þó ávallt taka mið af þeim mælikvarða sem staðfestur skipulagsuppdráttur er settur fram í.

Smellið hér til að sjá gagnalýsingu stafræns skipulags